Kubwizanya ukuri : ese koko kuvuga kw'itsembatsemba ryakorewe Abatwa n'Abahutu byaba ari ugupfobya itsembatsemba ryakorewe Abatutsi ?

Inyandiko ikurikira tuyisanga mu gitabo cyanditswe na Ambassaderi Yohani Mariya Viyane Ndagijimana yise "UKO PAULO KAGAME YATANZE ABATUTSI HO IBITAMBO" (Editions la Pagaie).

Agira ati :

"Ku mugabane w’Uburaya muri Nyakanga 1995, intagondwa zo mu bwoko bw'Abaserbe bo muri Bosniya zimaze kwigarurira umujyi wa Srebrenica, zishe abantu b'igitsina gabo bo mu bwoko bw'Ababosniyaki barenga ibihumbi umunani (8000). Ingabo z'Umuryango w'Abibumbye zananiwe kurinda umutekano w'abaturage.

Muri Mutarama 2007, Urukiko Mpanabyaha Mpuzamahanga (CPI/ICC) rwaciye urubanza rwemeza ko ubwicanyi bw’i Srebrenica bwahitanye Ababosniaki ibihumbi umunani (8000) ari itsembabwoko (génocide).

Niba kurimbura Ababosniaki ibihumbi umunani (8000) byariswe jenoside, ni iki cyatubuza kwita jenoside itsembatsemba ryakozwe n'ingabo za Paul Kagame hagati ya Nyakanga na Nzeri 1994 kandi ryarahitanye Abahutu barenga ibihumbi mirongo itatu (30.000) ?

Ese kubaza iki kibazo byaba koko ari ugupfobya itsembabwoko ryakorewe Abatutsi?"

Musomyi wa TFR, Muyoboke wa Ibukabose-Rengerabose, Munyarwanda ukunda ukuri kwunga imitima,

Soma iyi nyandiko, nubishobora usome n'igitabo cyose, maze ugerageze nawe gusubiza iki kibazo cy'ingorabahizi nyamara kandi cyoroshye.

#Rwanda