/image%2F1189270%2F20210814%2Fob_eecf7e_images.jpeg)
Umuryango Ibukabose-Rengerabose urashakisha abatangabuhamya ku nama yabereye ku Mulindi taliki ya 31/3/1994 yateguraga guhanura indege ya prezida Yuvenali Habyarimana
IMPURUZA Y'UMURYANGO IBUKABOSE-RENGERABOSE
------------------------------------------------------
Basomyi namwe nshuti,
Banyarwanda mukunda amahoro, ukuri n'ubutabera,
Hashize imyaka 22 abagome bashyize mu bikorwa umugambi wo kurasa indege ya Nyakwigendera Prezida Yuvenali Habyarimana, kw'italiki ya 6 z'ukwezi kwa 4 muri 1994.
Iyicwa rya Prezida Habyarimana na mugenzi we Nyakwigendera Prezida Cyprien Ntiyamira w'Uburundi, n'abari babaherekeje bose, rwakurikiwe n'ubwicanyi bw'ihonyabwoko n'ubundi bw'ihonyabantu, bwahekuye u Rwanda burushyira mw'icuraburindi. Mu ndege hapfiriyemo abafransa batatu bari bayitwaye.
Nyuma y'iryo shyano, abantu batari bake bahoze mu gisirikare cya FPR-INKOTANYI cyangwa mu nzego z'ubutasi nka Jean-Pierre Mugabe, Aloys Ruyenzi, Abdul Ruzibiza, n'abandi, bagiye bavuga ku nama yabaye kw'italiki ya 31/3/1994 iyobowe n'uwari Major Paul Kagame. Iyo nama iba, abatangabuhamya tuvuze haruguru bari bakiri ba ofisiye bo mu nzego ziciriritse, ariko hari abandi bo muri High command babizi neza.
Ikindi cyavuzwe nuko bamwe mu ba ofisiye bakuru bari muri iyo nama, nk'uwayoboraga services za Directorate of Military Intelligence - DMI, Colonel Kayumba Nyamwasa, baba baragerageje kubuza Kagame guhanura indege y'umukuru w'igihugu, bakamwumvisha ko kwica Prezida Habyarimana bizagira ingaruka zikomeye ku banyarwanda bikanakurura ubwicanyi njyanamuntu. Major Kagame yanze kubumva ahubwo yikomereza umugambi we mubisha n'indobanure nke yari yizeye kubera ko zari zishyigikiye icyo gikorwa cy'iterabwoba cyabaye imbarutso ya jenoside y'abatutsi.
Twibutse ko jenoside imaze gutangira, ubuyobozi bwa FPR-Inkotanyi bwakoze ibishoboka byose kugira ngo bubuze Loni n'ibihugu by'amahanga gutabara ababyeyi bacu bicwaga bunyamaswa, ku ruhande rumwe Abatutsi bahigwaga bukware n'interahamwe n'abandi bicanyi bari bafatanyije, mu gihe FPR-Inkotanyi nayo yatsembatsembaga Abahutu aho iciye hose, idatoranya umuto n'umukuru.
Kugeza aya magingo, ubucamanza bw'Ubufransa bwatangiye anketi yo gukurikirana abahanuye indege ya Prezida bukomeje guseta ibirenge bwitwaza ko nta bimenyetso bigaragaza neza uwakoze iryo shyano.
Nyamara twe Abanyarwanda tuzi uwakoze u Rwanda mu nda. Igisigaye ni ukugaragaza ukuri gusana imitima kandi kwunga abarokotse buriya bwicanyi ndengakamere, baba Abatutsi, Abahutu n'Abatwa, tudategereje ko abazungu baca imanza zitajyanye n'inyungu z'Abanyarwanda.
U usabye ukomeje ba ofisiye bakuru bari mur'iyo nama yabereye ku Mulindi kw'italiki ya 31/3/1994, ko batanga ubuhamya busesuye, bagasobanura neza umushinga wo kurasa indege yari itwaye Prezida wa Republika, n'ukuntu binginze Kagame akavunira ibiti mu matwi.
Abo bavandimwe bazwiho ubugabo n'ubutwari baramutse batanze ubuhamya, bakavuga ukuri kuziguye, urubanza rw'uwapanze kurasa indege ya prezida Habyarimana rwakwihuta.
Tuzi neza ko bamwe mu bagerageje kubuza Major Kagame gukora ishyano bitandukanyije n'ingoma y'abahotozi, muri iki gihe bakaba batuye mu bihugu bigendera kuri demokrasi no kwishyira ukizana kwa muntu.
Iriya nama yabereye ku Mulindi kuwa 31/3/1994 ari nk'urufunguzo rwa mabuso itegereje uwafashe icyemezo cyo kwica Prezida Habyarimana. Urwo rufunguzo rubitswe n'abari mur'iyo nama. Bamwe muri bo bafashe icyemezo cya kigabo bahagurukira guhangana n'akarengane, igitugu, iterabwoba, ubuhotozi n'ubwicanyi.
Igihe kirageze cyo kuvuga ukuri kwose, ntawe bakingiye ikibaba. Nibakore mu mufuka bakuremo urwo rufunguzo, bagaragaze ukuri batazuyaza. Abanyarwanda bazabibashimira bitagira iherezo.
"Attentat contre l'avion de Juvénal Habyarimana: les révélations de l'ancien bras droit de Kagamé" in (Africa Presse.com)
Qui est responsable de l’attentat contre l’avion d’Habyarimana ?
Paul Kagame accusé d'avoir ordonné l'attentat contre l'avion d'Habyarimana (RTBF Info)
Témoignage de Jean-Pierre Mugabe sur l'assassinat du président Habyarimana
The International Strategic Studies Association PO Box 20407, Alexandria, Virginia 22320, United States of America. DECLARATION SUR L'ATTENTAT CONTRE L'AVION DANS LEQUEL LES PRESIDENTS HABYALIMANA ...
/http%3A%2F%2Fwww.european-security.com%2Fimgbiblio%2F110912_014s.jpg)
European-security Sécurité Européenne
Nouvelle page 1 Rwanda : Paul Kagamé lâché par les siens (3) Après la " on cherche toujours à comprendre pourquoi un personnage aussi controversé que Paul Kagamé a bien pu être ainsi reçu ...
/image%2F1189270%2F20141026%2Fob_61e389_rprk-new-logo.jpg){kind=logo}
Paul Kagame ordered cynically the mass killings of innocent Hutu civilians (RPRK) - TFR-INFO
RPRK RPRK APPRECIATES BBC DOCUMENTARY " RWANDA'S UNTOLD STORY " Ref: 013/10/RPRK African Great lakes Region 21st October 2014 Mr. Tony Hall Director - General of the BBC Broadcasting House, Portland