Overblog
Editer l'article Suivre ce blog Administration + Créer mon blog

Archives

Publié par La Tribune Franco-Rwandaise

Ubutumwa bwa Léon Ngarukiye
AgUwi.jpg"Bategarugori namwe Bari!
 
Ndabashuhuje mwese!
 
Nshimishijwe no kubagezaho uko Intwari Agatha Uwilingiyimana yabayeho kugira ngo abere benshi muri mwe urugero rwiza mwagenderaho.
 
Ibi simbigiriye ko tuva hamwe,twabyirukanye,  tukanabana kandi tukanakorana ibya politike.Impamvu itumye mubibutsa ni uko asa nk'aho mwamwibagiwe kandi ari umwe mu bategarugori bazwi muri Afurika no kw' isi hose.Koko barabivuze ,nta muhanuzi mu babo.

Kuva yakwitaba imana, kw'itariki ya 7 Mata 1994, nta narimwe nigeze numva aho amashyirahamwe y'Abari n'Abategarugori yibuka iyi ntwari yitangiye u Rwanda. Wenda birashoboka ko mwaba mumwibuka simbimenye.
Niba aribyo, amakosa ni ayanjye kuko ntakurikira bimwe mu bikorwa by'abavukarwanda.

Niba kandi ibyo nsaba gukorwa bitarakorwa na rimwe, mwari mukwiriye kumwibuka mukanamumenyekanisha  mu bana banyu. Nta rirarenga kandi gukora neza ntibigira igihe n' ahantu.
 
Mushoboye gutangira kumwibuka ku munsi w'abategarugori mu kwezi gutaha kwa Werurwe uyu mwaka, byaba ari byiza cyane. Mushobora no kuzamwibukira rimwe  n'indi ntwari Ingabire Victoire Umuhoza. Mujye mumenya ko abapfuye bataba koko barapfuye. Batubamo ku bundi buryo.

Burya koko ngo upfuye aba agiye. Kubona abanyamahanga bamwibuka kuturusha, biteye agahinda. Ngaho namwe bategarugori namwe bari, nimwiyambure imyambaro y'amashyaka, y'ubwoko, uturere n' amadini, maze mutangire kujya mwibuka iyo ntwari yatuvuyemo tukiyikeneye.
 
Ndangije mbifuriza kuzigana ubwitonzi n' ubushishozi ibi bitekerezo mbagajajeho. Nta gahato nta n' ishyushyu rikabije mfitiye ibyo mbagejejeho n' ibyo muteganya gukora.

Mwese mwe n'abo mubyara, imibereho ya Nyakwigendera Agatha Uwiringiyimana ibabere urumuri ruzamurikira abandi bategarugori bazatumurikira mu nzira ya Demokarasi no kwitangira abandi.
 
Mugire amahoro.
 
Léon."

NTA NTAMBARA HAGATI YANJYE NA HABYARA


 

Pour être informé des derniers articles, inscrivez vous :

Commenter cet article

migisha 14/02/2014 09:01


Ubu koko si ugukabya ni iki yakoreye abanyarwanda Kwandagawa umukuru w igihugu? En tous cas iyo akomeza kubaho aba yarahunganye na Twagiramumgu Ubutwari ntabzo busobanutse. Ahubwo utumye
abantu bibuka ibyabaye; abapfuye bose abakiri mu mashyamba ibyo byose niwe n abo bakoranaga  hejuru y inyota y ubutegetsi. Niba na Twagiramungu yabashije kurokoka ubu akaba ari kuzura ibintu
Ubwo se si bo bahimbye akazu katarabayeho kugira ngo bateshe umutwe ubutegetsi. Sha napfishije abantu benshi muri biriya have sigaho nta ntwari yicisha 4 millions z4 abanyarwanda. Nizere ko
urabitegerezaho

La Tribune Franco-Rwandaise 14/02/2014 16:19



Ubutumwa bwawe buzagezwa ku banditse kaliya gatabo. Aliko kwishimira urupfu rw'umuntu biragayitse. Akababaro kawe ntikagomba kukubuza kumva ak'abandi.