Overblog
Editer l'article Suivre ce blog Administration + Créer mon blog

Archives

Publié par JMVN

kagome.jpgInyandiko ya Johnson, Europe, twagejejweho na Antoine Kanobana (Urubuga DHR), ayikuye mu kinyamakuru http://www.umuvugizi.com/?p=1310

 

Umuherwe Perezida Kagame Paul, yahuguje umuturage akayabo gasaga miliyoni 500 ahwanye n’agaciro k’icyibanza cyubatsemo inzu !!! 

Inzu yavuye mu cyibanza Perezida Kagame yahuguje Umuturage

Ikinyamakuru Umuvugizi, cyimaze amezi arenga atandatu, gikora icukumbura ryimbitse k’ubwambuzi n’ubuhemu bikabije, umuherwe Perezida w’u Rwanda Kagame  Paul , yakoresheje mu gukomeza gushakisha no kwigwizaho  ifaranga.  Nk’uko iryo cukumbura cyakoze ryabigaragaje , muri iki gihe hari umuturage wishyuza  Perezida Kagame, akayabo k’amafaranga y’u Rwanda arenga miliyoni 500  yamuhuguje.

Ayo mafaranga , ahwanye n’agaciro k’icyibanza cyubatsemo inzu ,ahahoze gari ya ruguru mu mujyi wa Kigali, Perezida Kagame yashimuse kiboko, yubakamo inzu y’umuturirwa iruta izindi zose  mu Mujyi wa Kigali,yitwa « Kigali City Tower » ibarirwa agaciro karenga miliyoni 25 z’amadolari y’abanyamerika. Nyir’icyo cyibanza, yiyemeje guhangana n’uyu muherwe Kagame, kugeza mpaka amusubije utwe yamuhuguje  cyangwa se  bitaba ibyo  akazamushumbusha amafaranga .

N’ubwo bitoroheye ikinyamakuru Umuvugizi  muri iryo cukukumbura, ariko cyarashyize cyibona amakuru k’ubuhuguzi buvanze n’ubugome Perezida Kagame yakoreye uwo muturage.  Abanyarwanda baciye umugani ko umuntu amanika agati yicaye yajya kukamanura agahaguruka. Mu makuru ikinyamakuru Umuvugizi cyabonye , ni uko cyiriya cyibanza cyubatsemo umuturirwa w’umuherwe Kagame, nyiraho  yitwa Shyaka. Uyu mugabo ariko akaba yaritabye Imana.  Ibintu bye bikaba bifite undi ubikurikirana. Mu mwaka wa 2006, nibwo abahakoreraga  bafungishijwe igitaraganya, nta nteguza, nta na expropriation bakorewe. Bari bizeye ko bazishyurwa,  nyuma batungurwa no kubona abashinwa  abatangiye kuhasiza.

Ayo makuru agaragaza ko bagitangira kuhasiza, umwe mu bahagarariye Shyaka aribwo yatangiye kwishyuza. Akurikije uko bintu byari byifashe n’agaciro k’ifaranga ry’u Rwanda  ryari rifite icyo gihe, yishyuzaga miliyoni 38 z’amanyarwanda. Ayo makuru avuga ko yaje kugira icyibazo cy’uwo yishyuza. Mu gihe bamwe bamubwiraga ko iyo nzu ari Gen Kabarebe, abandi bakamubwira ko ari icy’icyama, FPR, abandi  bakaba baramubwiraga ko ari iya Doyelcy Group, ari nayo yari yanditse k’uburenganzira bwo kubaka. Iyi Doyelcy yihishwe inyuma na Hatari, usanzwe ari  agakingirizo k’umuherwe Kagame  mu bikorwa by’ubucuruzi akora.  Uwabikurikiranaga ageze kuri Dolecy  group yahuye n’urukuta  rwa beto, abura  aho amenera n’uwo yishyuza, uwo yageragaho wese yamwimaga amatwi, akamwereka ko ari umusazi atazi ibyo akina nabyo.  Cyakora burya abantu bose si babi, hari uwamwongoreye amwibira ibanga ko iyo nzu  yubatse mu cyibanza cyabo bahugujwe, ari  ya Perezida Paul Kagame , agomba gushikama agahangana nawe.

Nk’uko iryo tohoza ribigaragaza, uwo wabikurikiranga, kumva ko Perezida Kagame ariwe muherwe wubakisha  uwo muturirwa, ntibyamuciye intege.  Uko imyaka yagendaga ihita,   umuturirwa wa Kigali City Tower bawuzamura, niko uwo wiyemeje guhangana na Kagame,yahongereraga  agaciro. Byageze ubwo mu mwaka wa 2009 ,abona ko icyo cyibanza cyabo bahugujwe n’umuherwe Kagame,  kigomba kwishyurwa noneho miliyoni 350 z’Amanyarwanda.  Ayo makuru yemeza ko icyo gihe inkuru yari yaratashye k’umuherwe Kagame, ko mu byo akora byose agomba kurya ari menge, Kigali City Tower , itazagira amahoro atabanje kugira icyo agenera ba nyiraho.

N’iterabwoba ryinshi, Perezida Kagame yatumyeho za nsoresore ze ,  uwo ukurikirana iby’icyo cyibanza, bamushyiraho iterabwoba n’agasuzuguro ko agomba kwemera miliyoni 150 z’amanyarwanda ko kwishyuza 380 ari ukurengera, yaba atayemeye  akabura byose. Uwo uhakurikirana ibyo ntiyabikojejwe, yasabye  izo nsoresore za Kagame , kumwishyura miliyoni 380 z’amanyarwanda nta n’urupfusha ruburamo. Mu icukumbura twakoze twamenye ko uwo muntu uhanganye na Kagame yanongeyeho ko nibatayamwishyura we na Kagame bazakiranurwa n’inkiko. Aha ariko nawe yigizaga nkana, mu gihe azi neza ko ari Kagame ukoresha inkiko zo mu Rwanda. Nta n’uwahamya ko yari kubora urukiko rwari kwakira icyo cyirego gishyira ku karubanda Perezida Kagame.

Burya koko ku ifaranga ntawe upfa kurekura. Umuherwe Kagame yakomeje kuvunira ibiti mu matwi, yumva ko uwo yahuguje azagera aho agacika intege ntakomeze guhatiriza amwishyuza.  Siko byagenze rero . Mu ntangirizo z’uyu mwaka wa 2011, uwo wishyuza Kagame, dore ko na Kigali City tower igiye kuzura, nawe  ari kumusaba kumuha utwe mbere y’uko iyo nzu yatangira gukorerwamo ku mugaragaro. Uwo umwishyuza akurikije inzu yahavuye ubwiza  ifite, noneho arishyuza umuherwe Kagame, akayabo ka miliyoni ziri hagati ya 500 na 700 z’amanyarwanda.

Mu gihe ikinyamakuru Umuvugizi  cyatohozaga iby’ubu bwambuzi bw’umuherwe Kagame, cyamenye ko yari yatangiye koherereza uwo umwishyuza bamwe mu bo bafatanya ubucuruzi, bashakisha uburyo bamwishyura ibintu bitaragera iwandabaga, batari banamutamaza.. Dore ko abo yahuguje nabo biyemeje gukomeza kumwotsa igitutu  kugeza avuye ku izima.  Parikingi y’imodoka igezweho yubaka mu cyibanza cyabo, n’amazu y’ubucuruzi byose bigezweho yubatsemo, bikazatangira ari uko  uwo mwambuzi yabishyuye.   Umuherwe n’umwambuzi Kagame natabikora  vuba,  azaba yikururira ibibazo birenze cyane, uwo mwenda yishyuzwa, ashobora kuzashiguka  ugeze  kuri miliyari y’Amanyarwanda !!!.


Johnson ,Europe.

Pour être informé des derniers articles, inscrivez vous :

Commenter cet article