Overblog Suivre ce blog
Editer l'article Administration Créer mon blog
Le blog de Jean-Marie Ndagijimana

La Tribune Franco-Rwandaise

Le blog de Jean-Marie Ndagijimana

Burundi : Ubuyobozi bw'igipolisi burasobanura uko Bwana Willy Nyamitwe yari agiye kwicwa.

com
Burundi : Ubuyobozi bw'igipolisi burasobanura uko Bwana Willy Nyamitwe yari agiye kwicwa.

Igiporisi c’Uburundi kimenyesha ko igitero cakozwe mw’ijoro ryo kuri uwu wa mbere kuri Willy NYAMITWE cobazwa igihugu c’Urwanda, kuko kubw’igiporisi, igihugu c’Urwanda gifise umugambi w’ukurondera guhungabanya inzego z’Uburundi, ico gihugu kikagirizwa ko kiriko kirondera kugandagura abari muri izo nzego.
Mu kiganiro yahaye abamenyeshamakuru kuri uwu wa kabiri, inyuma y’aho Willy NYAMITWE umuhanuzi mukuru mu biro vy’umukuru w’igihugu Petero NKURUNZIZA ahatswe kugandagurwa n’abantu bamutegereye atashe bakamurasa, OP1 Pierre NKURIKIYE, umuvugizi w’igiporisi c’Uburundi, yamenyesheje ko amatohoza yamaze kwerekana ko abagira bagandagure Willy NYAMITWE bava mu gihugu c’Urwanda, akavuga ko ari umurwi usanzwe umurondera kugira umwice.
"Muri uwo murwi abajejwe umutekano bari baramenyemwo bamwe. Hariho umusirikare umwe mutoyi yitwa Caporal NDUWIMANA Jean Claude yari yigeze gufatwana inkoho ntoyi zitwa pistolets zibiri, aca arabavuga ko abashaka kugandagura urya muntu [Willy NYAMITWE] ari abari mu Rwanda, harimwo mbere n’umusirikare umwe w’umunyarwanda, hakabamwo n’abarundi bose bari i Kigali. Batuma abo bantu kugira bamugandagure"
OP1 Pierre NKURIKIYE avuga ko uwo musirikare mutoya w’Uburundi yafashwe yari yaravuze ko abo mu Rwanda batanze amategeko ashikira ku musirikare w’Uburundi, Colonel DUSHIMAGIZE Dieudonne asanzwe apfungiwe mw’ibohero rikuru rya Mpimba. Nk’uko vyashikirijwe n’uwo avugira igiporisi, abari mu Rwanda bakorana n’iyo ntwazangabo yaca yegeranya abahabwa igikorwa c’ukwica indongozi z’Uburundi.
Willy NYAMITWE yategerewe atashe kw’ibarabara Bujumbura-Gatumba, hafi yo muhira iwe, arashwa n’abantu bitwaje inkoho zo mu bwoko bwa Kalashnikov. Abo bantu barateye na gerenade zitatu ku muduga wiwe, ariko zibiri zikaba zitaturitse, nk’uko vyemezwa n’umuvugizi w’igiporisi, akamenyesha mbere ko umusirikare umwe w’Uburundi yamaze gufatwa ku mvo z’amatohoza.

Tega amatwi uko abisobanura (Audios)

Print
Repost
Pour être informé des derniers articles, inscrivez vous :

Commenter cet article