Overblog
Editer l'article Suivre ce blog Administration + Créer mon blog
LA TRIBUNE FRANCO-RWANDAISE (TFR)

Actualités, opinions, études, analyses, diplomatie et géopolitique de la Région des Grands lacs.

Burundi : Umuvugizi w’igisirikare yatangaje intego y’igitero cyari gihitanye Gen.Niyongabo

Yanditswe: 

Mu gitondo cyo ku wa gatanu tariki ya 11 Nzeri 2015, nibwo Gen. Prime Niyongabo umugaba mukuru w’igisirikare cy’u Burundi yaguye mu gateko kabashakaga kumuhitana Imana ikinga akaboko ararusimbuka abamurindaga baricwa.

Umuvugizi w’igisirikare cy’u Burundi Col Gaspard Baratuza mu kiganiro yagiranye n’abanyamakuru yatangaje ko nta yindi ntego icyo gitero cyari gifite uretse guteza umwiryane mu gisirikare no kukibibamo amacakubiri.

baratuza

Col Gaspard Baratuza umuvugizi w’igisirikare cy’u Burundi

Gaspard Baratuza yatangaje ko  ku ruhande rw’igisirikare batatu bitabye Imana, mu gihe babiri mu bagabye igitero nabo bapfuye hamwe n’umukozi 1 muri Minisiteri y’umutekano wakomerekeye cyane muri iyo mirwano aza gupfa nyuma.

Aya amkuru akaba anyomoza ayavugaga ko abana 2 ba Gen Prime Niyongabo nabo bahapfiriye ndetse n’abasirikare 7 bamurindaga.

Col.Gaspard yatangaje kandi ko imbunda imwe yo mu bwoko bwa lance-Roquette, n’izindi 2 zo mu bwoko bwa kalashinkov nazo zafashwe.

Col. Gaspard Baratuza akaba yunze mu ijambo rya Perezida Nkurunziza, asaba abasirikare b’igihugu gukomeza gufatana mu mugongo ndetse banunga ubumwe.

Icyaje kubera abanyamakuru urujijo ndetse kikanongera urujijo mu baturage kugeza na n’ubu bagikomeje kwibaza imikino irimo kubera mu gisirikare cyabo, ni uko nta munyamakuru n’umwe wahawe ijambo ngo agire icyo abaza.

Col Gaspard Baratuza umuvugizi w’igisirikare n’ubwo bwose atangaza ko igitero cyari kigamije kubiba amacakubiri mu gisirikare, ntabwo yatangaje abakigabye naho baturutse cyangwa ngo agire byinshi avugaho ndetse ko yimye abanyamakuru ijambo kubera ibibazo byinshi bari bafite bifuzaga kumubaza.

Itangishatse Théoneste/Bwiza.com

Article précédent Article suivant
Retour à l'accueil
Partager cet article
Repost0
Pour être informé des derniers articles, inscrivez vous :
Commenter cet article